პროექტი

პროექტი

მთავარი თემა: მათემატიკური მოგზაურობა ჰარმონიის სამყაროში.

პროექტში მონაწილეობენ მეათე კლასელი მოსწავლეები.

პროექტის მნიშვნელობა და აქტუალობა: მოსწავლეები ეცნობიან ოქროს კვეთას და მის კავშირს არქიტექტურასთან, ხელოვნებასთან, კავშირი ფიბონაჩის რიცხვებთან, იფართოებენ თვალსაწიერს, ეცნობიან მათემატიკური გამოყენების ნიმუშებს, გარემომცველი სამყაროს სილამაზისა და ჰარმონიის ზოგიერთ კანონს, ნაშრომის შესრულებას და პრეზენტაციას, მათემატიკის სხვადასხვა ნაწილების ერთმანეთთან დაკავშირებას, მათემატიკურ კანონზომიერებათა ამოცნობას ხელოვნების ნიმუშებში.

პროექტის მიზანია:

– მოსწავლემ დაამყაროს უშუალო კავშირი გარე სამყაროს ფაქტებთან და მოვლენებთან,

– დაგეგმოს საკუთარი ქმედებები და დრო,

–აკონტროლოს საკუთარი სწავლა,

–დაამყაროს კონტაქტი სხვადასხვა ადამიანთან,

–მიიღოს საკუთარი კვლევის შედეგების სხვისთვის გაცნობის პრაქტიკა, გამოცდილება.

შედეგად მუშაობის დროს განუვათარდებათ შემდეგი უნარები:

დამატებითი ლიტერატურის მოძიების და ლიტერატურაზე მუშაობის, სტატისტიკური მონაცემების შეგროვების, სხვადასხვა გზით წარმოდგენილი ინფორმაციის ანალიზის, ტექნოლოგიების გამოყენების უნარები.

პროექტის მოსამზადებლად საჭირო რესურსები:

1. გოგიშვილი, ვეფხვაძე, მებონია, ქურჩიშვილი მათემატიკა X კლ.

2. ა. ბენდუქიძე, მათენატიკა, სერიოზული და სახალისო, თბილისი 1986 წ.

3. ა. ბენდუქიძე, მათემატიკური ნარკვევები, თბილისი 1995 წ.

4. ჰ. მელაძე, ნ. სხირტლაძე, გამოყენებითი მათემატიკის საწყისები, თბილისი 2000 წ.

5. ჟურნალი "კვანტის" შემდეგი ნომრები: 1986 წ. N 6, 1995 წ. N5, 1990 წ. N2, 1982 წ. N1.

6. ინტერნეტით შემდეგ მისამართზე: http://google.com და მოიძიონ golden section .

პროექტის მსვლელობა;

მოსწავლეებს ეძლევათ 10 დღე იმისათვის, რომ მოიძიონ ინფორმაცია და მოახდინონ შემდეგ მათი შეჯერება და ანალიზი.

თითოეული მოსწავლე მითითებული ლიტერატურისა და საძიებო პროგრამაში ინტერნეტით აგროვებს მონაცემებს 1 კვირის განმავლობაში.

შემდეგ მათ აქვთ 2 დღე იმისათვის, რომ მოახდინონ ერთმანეთში ამ მოპოვებული ინფორმაციების გაზიარება რის შემდეგაც ჯგუფი ამზადებს პრეზენტაციას.